Промена преку соработка: Извадоци од 6. Factory Kongres & Gemba Walk

Што ако иднината на логистиката не e конкуренција? Што ако иднината на логистиката се засновa на соработка?

Овој месец ги испративме нашите основачи да учествуваат во 6. Factory Kongres & Gemba Walk во Белград, каде што ќе може да ги истражат можностите за реализација на оваа идеја заедно со најголемите умови во индустријата.

Гама Дизајн ја имаше привилегијата да учествува на еден од највлијателните собири во регионот. Имавме можности за вмрежување, учење, споделување и растење како дел од поголема заедница со заедничка цел.

Имаме многу да кажеме за овој дводневен настан, па нема да трошиме време.

Неколку зборови за настанот

Овогодинешниот конгрес се одржа во реномираниот хотел Eti Crown Plaza во Белград, простор кој имаше многу да им понудиме на нашите основачи и останатите 500 присутни.

Настанот ги собра врвните луѓе од некои од најголемите компании на Балканот, организираше четири бини со панели кои дискутираат на теми како човечки капитал, логистика и технологијата на иднината.

Настанот вриеше од идеи и иновации, со степен што беа потребни лист и пенкало да се запишат сите забелешки.

Еден од главните моменти беше разновидноста на присутните гласови. Слушнавме лидери од различни индустрии кои ги споделуваат своите искуства и согледувања. Ваквите гледни точки направија секоја дискусија да биде неповторлива можност за учење.

Вториот ден од настанот не изведе од конференциската сала и нѐ одведе во реалниот свет со прошетка во фабриката Леони во близина на Ниш.

Нашите основачи дел од панел за колаборативна логистика

Нашите основачи беа дел од панелот кој се занимавање со актуелна тема во индустријата: соработка. Поточно, Митко и Горан разговараа за тоа како партнерствата можат да ги намалат трошоците и да ја зголемат ефикасноста во логистиката.

Тие споделија сознанија и се вклучија во дискусии за улогата на вештачката интелигенција и дигитализацијата. Резимето на овие согледувања гласи вака:

• Дигитализацијата е првиот чекор кон промена. Таа ќе го отвори патот за попаметни и поефикасни операции кои го намалуваат тешкиот товар на рамениците.
• ВИ е овозможувач, а не замена. Иако има потенцијал да ја револуционизира логистиката и да се справи со креирање стратегија, распределба на ресурси и планирање на безбедност, таа не е тука за да преземе работни места. Напротив, таа ќе помогне да се подобрат човечките улоги и да се охрабрат постоечките работници да се приспособат, усовршуват и да ги дочекаат идните колеги: машините.
• ВИ веројатно ќе може да предложи подобрувања. Очекуваме вештачката интелигенција да се справи со оперативните подобрувања кои градат сеопфатни стратегии прилагодени на секој аспект од логистиката, од персонал до управување со залихи.

Важни заклучоци и размислувања

Нашето учество на конгресот ја потврди нашата верба во моќта на учењето и соработката. Во денешно време, таа е една од нашите најголеми предности, но и аспект кој сè уште недоволно се користи.

Заминавме со неколку лекции вредни за споделување:

• Соработката е клучна, без разлика дали е партнерство со други компании на исто или повисоко ниво. Соработката сè уште е движечката сила зад намалувањето на трошоците и придобивките од ефикасноста.
• Прилагодливоста не треа да се потцени. Промената не е лесна, но секогаш е неопходна. Ова размислување беше присутно во секоја дискусија за иднината на логистиката и местото на технологијата.
• Треба одблиску да се набљудуваат производствените процеси и да се разговара со други професионалци за подобрување и иновирање. Ќе ги искористиме овие идеи за да ги подобриме и нашите операции.

Нашите основачи беа особено мотивирани од регионалното претставување на конгресот, истакнувајќи го присуството на големиот број на Македонци кои придонесуваат на овие критични разговори и го покажуваат талентот и потенцијалот на земјата.

Останатото, како и секогаш, зависи од нас.